Emmanuel Christian Church Melbourne

"Go and make disciples of all nations" Matthew 28:19

Kan Thuanthu (Brief History)

ECCM Thawhkehnak

Falam ṭonghmang Kawhhran a din thok theinak dingin Melbourne ih um Falam mi um sun pawlin thlacamnak thawn mah le ti thei tawkin ṭan rak lak cio a si. Melbourne ih Falam mi rak um mi pawl in March 12, 2007 ah Lailun pawlkom ti in pawlkom an rak din. Hi pawlkom ih um Falam milesa pawl in mah ṭongte Pathian Biak thei dingin tiah thlacamnak an rak nei. December 16, 2007 ah Melbourne ih um Falam ṭong hmang pawl in Kawhhran a din theinak dingah Mai Lusi Mawi & Mai Van Nei Iang te’ inn ah meeting an rak tuah. Hi tawk meeting ah Falam ṭong hmang zaten sawm thluh an si. Meeting nak ah mi 12 pawl an rak kai.

Hi mi sun ah Kawhhran din dingin le a hmin ah Emmanuel Christian Church Melbourne  tiih kawh si dingin a suak khawmtu zaten lungkimnak rakneih a si. An rak thokpek ahcun umnak hmun dangdang ih um le khuasa a si aw cio ruangah zarhpi nitin khawmnak khal a rak um thei lo. Asinan Pathian lam hruai nakin kum 2008 February thla ihsin zarhpi nitin Pathian biak khawmnak in caan hman thok a si. An thawkpek te ahcun member 40 tluk hrang a rak si. Pathian lam hruainak in tu ahcun sungtel mi 350 leng a kim.

Meetingnak ih rak suak khawmtu mi 12 pawl  

  1.  Pu Jacob Ni Hup Thang
  2. Pa Samuel Hlawn Dawh Thang
  3. Pa Renh Cung
  4. Pa Van Nei Piang
  5. Pa Tling Za Thang
  6. Pastor David Khaw Lian Zam
  7. Nu No Than Thluai
  8.  Pi Than Hnem
  9.  Mai Lucy Mawi
  10. Mai Cung Thluai
  11. Mai No Lian Par
  12. Mai Van Nei Iang  tla an si.